Poem…

فلسطيني ممنوع تعيش


قالولك اسكت ما تحكيش


انت خلقت للتلطيش


للحواجز للمعابر للتفتيش


كتبوا علي جبينك ينداس


من الضابط للشاويش


فلسطيني قالولك ممنوع تعيش


فلسطيني ممنوع تثور

 

 و مش مسموح تكون مقهور

 

اياك تطالب بحقك
اوعك بيوم تشوف النور

 

 ***
ممنوع تجدد هويه


ممنوع تجدد بسبور


فلسطيني و بدك تتعلم

 

هاي الشغله ضد الدستور


فلسطيني لازم تتألم


من دون ما يشوفك دكتور


فلسطيني ممنوع تتظلم


و لا يطلع بجناحك ريش


فلسطيني ممنوع تعيش

 

***
فلسطيني بكل المطارات


اسمك بالاحمر مكتوب


و على شباك مصلحه الجوازات


كتبوا علي جبينك مطلوب


لازم تتوقف ساعات


مذنب او مندون ذنوب


و يتوجه الك اتهامات


انك سبب كل الحروب


كأنو بسببك الحق مات


و العدل بارضك مسلوب


و كأنك سبب النكسات


و كل ازمات الشعوب


و كأنو بسببك مجرم فات


على جنين بلحظه الغروب


و دبح صبيان و بنات


و عجز على امرها مغلوب

***
مع انو الحقيقه


انا الي بالدنيا ضحيه


عملتوني ماده للغنى


و قضية للي ما عندو قضيه

 

 انا الي راسي ما إنحنى بوجه الريح القويه


انا الي شعبي صمد


في الضفه و بالرشيديه


انا الي شعبي انتفض


و بحجر حارب دوريه


و اليوم و بكره و للابد


عنا كلمه وحده هي

***

فلسطين عربيه


و راح تبقي عربيه

 

 و راح ترجع عربيه

Got this By Email, I don't know who the poet is.  But to him/her I say THANK YOU.

2 Responses so far »

  1. 1

    رجاء محمود ناصر حيدر said,

    أهلي وأحبتي أحيكم من الغربه وكلنا شوققلرؤياكم وتنسم هواء ترشيحا التي لطالما سمعت عنها
    عاشقة الوطن
    أم رامز- الأردن الرمثا

  2. 2

    محمد قبلاوي said,

    من حقول اللوز والازهار …يأتي عاشقا
    حاملا في ثغره
    حزن الدوالي
    واشتياقات المطر
    حاملا شعرا حزينا … كالبلاد
    كمواويل الحصاد
    كن يأتينا كشمس
    كان حلوا مثل عرس
    وعلى عينيه (ترشيحا)قصيدة
    وبين جفنيه(ترشيحا)عليلة
    وحملت البندقة أه
    كي امحوا اساه
    وأغني للقضية
    واغني للحياة أه يااماه
    أه ترشيحا

    مروح الكبرا*


Comment RSS · TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: